هاد اللي كيهدد المغرب: واش نبقاو بلا حكومة حقاش كاينين شي مجتهدين باغيين يتسناو الانتخابات الرئاسية الفرنسية ويشوفو تبعات انتخاب ترامب


اسماء غربي كود ////

الحكومة ما باين ليها اثر. رئيس التجمع الوطني للاحرار عزيز اخنوش واحد من للاعبين الاساسيين فهاد الحكومة مع الملك محمد السادس فافريقيا. يقدر يتعطل يقدر يرجع. كلشي على حساب الانشطة الملكية هناك وجولته الافريقية. تصريحات رئيس الحكومة عبد الاله بنكيران مرة فيها تشاؤم مرة فيها تفاؤل. تصريح يوم امس الخميس فيها واحد النوع من الامل.

حسب مصدر “كود” فان نبيل بنعبد الله الامين العام لحزب التقدم والاشتراكية ووزير السكنى باش كان مع اخنوش فجنوب السودان داكرو على الحكومة. واخا ما كانش الجديد ولكن غير الحديث عليها كيعطي الامل.

المؤشرات ديال اليوم الجمعة عاشر فبراير كترجح ما يروج حول انتظار الافراج عن الحكومة الا بعد معرفة ما تؤول اليه الانتخابات الرئاسية الفرنسية. المغرب خايف من شي مفاجئة بحال اللي وقعات فامريكا وطلع ترامب. في حالة الى طلعات مارين لوبان من اليمين المتطرف واللي كتكره الاسلاميين ويتزاد عليها دونالد ترامب فامريكا٬ كاينين شي وحدين كيرددو هاد لكلام وكيخوفو بيه المغرب. كيكولو ما خاصش العدالة والتنمية فالحكومة وحلفاء المغرب او المؤثرين في العالم كيكرهو الاسلاميين. هاد الشي غادي يشكل خطر كبير على المغرب.

قوة المغرب فافريقيا فالعالم باش تلعب الدور اللي بدات تاخدو الرباط هادي مدة خاصو اساس صحيح. الاساس الصحيح هو القطع مع هاد الاساليب ديال نديرو هادا وما نديروش هادا. القطع مع هاد الشي هو احترام الارادة الشعبية هو الاستمرار في الانتفاح وحماية هذه الديموقراطية الناشئة والهشة.

المغرب مهدد الى وقف هاد المسلسل الديموقراطي. مهدد ايلى بقاو كيقولو لينا كل مرة بغينا الديموقراطية وباش تعطيهم نتيجة يقولو اللا المغرب على الصعيد الدولي محتاج لكفاءات وووو. هاد الشي كيهدد المغرب كيهددو بصاح.

قوة المغرب من قوة ديموقراطيته الداخلية. هاد الشي لحد الان ما زال ما تحسمش. هاد العبثية لتشكيل الحكومة للي تسنينا فيها 4 اشهر كتبين باللي مازال ما حسمناش فالاختيار الديموقراطي. وهادا خطر على البلاد


Like it? Share with your friends!

6
0
6, 0 points
What's Your Reaction?
Love Love
0
Love
Happy Happy
0
Happy
LOL LOL
0
LOL
Cute Cute
0
Cute
Grrr Grrr
0
Grrr
OMG OMG
0
OMG
Geeky Geeky
0
Geeky
Angry Angry
0
Angry
Yikes Yikes
0
Yikes

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هاد اللي كيهدد المغرب: واش نبقاو بلا حكومة حقاش كاينين شي مجتهدين باغيين يتسناو الانتخابات الرئاسية الفرنسية ويشوفو تبعات انتخاب ترامب

log in

reset password

Back to
log in